Tashkenttegi “Universal” sport sarayında taekvondo WT boyınsha XXII “Koreya Respublikası elshisi kubogi”niń saltanatlı ashılıw máresimi bolıp ótti.

Onda sport ministri Adham Ikromov, mámleketimiz taekvondo WT associaciyasınıń baslıǵı Sherzod Toshmatov hám Qubla Koreyanıń Ózbekstandaǵı Ayrıqsha hám tolıq huqıqlı elshisi Von Do Yon qatnastı.
Bayramǵa tán bezelgen bul komplekske shaqırıw hawazları astında jarıs qatnasıwshıları kirip keldi. Ózbekstan Respublikasınıń Mámleketlik gimni jańladı.
Máresimde A.Ikromov hám Von Do Yon shıǵıp sóylep, mámleketimizde Olimpiada oyınlarınıń baǵdarlamasınan orın alǵan taekvondo WT xalıq arasında jedel ǵalaba en jayıp atırǵanı, jaslarımız bul sport túri boyınsha Aziya hám jáhán chempionatlarında, Olimpiada hám Aziya oyınlarında úlken sheklerdi iyelep atırǵanına toqtap ótti. Sonday-aq, taekvondonı bunnan bılay da rawajlandırıw baǵdarında eki mámleket arasındaǵı doslıq baylanıslar jańa basqıshqa shıǵıp atırǵanı atap ótildi.
Xalıqaralıq jarıstıń saltanatlı ashılıw máresiminde taekvondoshılardıń kórgizbeli shıǵıwları qoyıp berildi.
Esletip ótemiz, jarısta mámleketimizdiń túrli aymaqlarınan kelgen 400 den aslam taekvondoshılar jeńimpazlıq ushın kúsh sınaspaqta.

Javohir Toshxwjaev, ÓzAnıń xabarshısı