Awıl xojalıǵı ministrligi janındaǵı Tuqımgershilikti rawajlandırıw orayınıń basshıları Germaniyanıń “ADT Project Consulting GmbH” kompaniyasınıń wákilleri menen ushırastı. Ushırasıwda tuqımgershilik tarawındaǵı tiykarǵı wazıypalar, ilimiy kózqaraslar tiykarında joqarı ónimdarlı sortlardı úgit-násiyatlaw hám regionallıq sharayatlarǵa sáykes aldınǵı texnologiyalardı engiziw máseleleri dodalandı.

Onda Oray direktorı Shuhrat Otajonov elimizde xalıqtıń ósip barıwı nátiyjesinde azıq-awqat ónimlerine bolǵan talap artıp atırǵanın atap ótip, sapalı hám sertifikatlastırılǵan sırt el tuqımlıq materialların bizge introdukciyalaw hám jergilikli sortlar menen shaǵılıstırǵan halda jańa sortlar jaratıwdıń áhmiyeti haqqında ayttı.
Sonday-aq, awıl xojalıǵı eginleri tuqımların tazalaw, saylap alıw, dárilew hám qadaqlaw processlerin zamanagóy innovaciyalıq úskeneler menen jańalaw, sırt elli birge islesiwshilerdi tartıw, qánigelerdiń mamanlıǵın arttırıw hám Germaniyada qollanılıp atırǵan jańa texnologiyalardı elimizde engiziw boyınsha pikir alsıldı.

Gulnoza Boboeva, ÓzA