Ázerbayjan Respublikası Lachın qalasında “ǴMDA mámleketleri xalıqaralıq kino kúnleri” hám “ǴMDA mámleketleri jasları lageri” shólkemlestirildi. Oǵan Ózbekstan, Rossiya, Belarus, Qazaqstan, Qırǵızstan, Tájikstan hám Túrkmenstannan delegaciyalar qatnastı.

Bizge belgili, ǴMDAǵa aǵza mámleketlerdiń Gumanitarlıq birge islesiw keńesiniń qararına muwapıq, Ázerbayjan Respublikası Shıǵıs Zangezur ekonomikalıq zonasınıń Lachın qalası “ǴMDAnıń mádeniyat paytaxtı” dep járiyalandı.
Usı múnásibet penen ilaj sheńberinde “Lachın qalası kúni” belgilendi. Jaslardan ibarat jumısshı toparlar kreativ industriyalar boyınsha dodalawlar alıp barıp, birgeliktegi joybarlar boyınsha usınıslar islep shıqtı. Juwmaǵında jaslarǵa baylanıslı deklaraciya qabıl etildi.
“Xalıqaralıq kino kúnleri” sheńberinde ǴMDA mámleketleriniń kórkem filmleri kórsetilip, rejissyorlar hám mádeniyat ǵayratkerleriniń qatnasıwında shıǵıp sóylewler hám pikir-usınıslar bildirildi. Hár mámleketten bir film subtitrler menen usınıldı.

Gulnoza Boboeva, ÓzA