Mámleketimizde jaslardıń intellektuallıq potencialın arttırıw, olardıń bilim hám óner úyreniwge bolǵan qızıǵıwshılıǵın qollap-quwatlaw baǵdarında keń kólemli jumıslar ámelge asırılıp kelinbekte.

Bul háreketlerde izbe-izlikke erisiw Jańa Ózbekstannıń rawajlanıw strategiyasında da atap ótilgen. Onda keleshek áwlad wákillerin watansúyiwshilik, keńpeyillik, nızamlarǵa, milliy hám ulıwma insanıylıq qádiriyatlarǵa húrmet ruwxında, zıyanlı tásirler hám aǵımlarǵa qarsı tura alatuǵın, ómirge bolǵan bekkem isenim hám kózqaraslarǵa iye shaxs sıpatında tárbiyalaw názerde tutılǵan.
Usı maqsette Jaslar isleri agentligi tárepinen shólkemlestirilgen “Karera dem alıw orayı” bárkamal áwlad wákillerin miynet bazarına tayarlaw, olardı zamanagóy bilim hám kónlikpelerge úyretiw, jetekshi kompaniyalar menen sóylesiw maydanın jaratıwǵa xızmet etkeni menen áhmiyetli boldı.
Dem alıw orayında mámleketimiz aymaqlarınan saylap alınǵan 200 eń qábiletli jaslar 7 kún dawamında túrli baǵdarlardaǵı ámeliy oqıwlarda bilim hám kónlikpelerin arttırdı.
Ilaj dawamında Ózbekstanda jumıs alıp barıp atırǵan 14 iri shólkem hám kompaniya wákilleri jaslar menen ashıq sóylesiwler ótkerip, miynet bazarındaǵı real talaplar hám bar imkaniyatlar haqqında óz tájiriybeleri menen ortaqlastı.
“Karera dem alıw orayı – 2025” juwmaqlanǵan bolsa da, onıń sheńberinde ámelge asırılatuǵın jumıslar, jaslardı jumıs penen támiyinlew, qızıǵıwshılıqlarınan kelip shıǵıp tarawlarǵa baǵdarlaw ilajları dawam etpekte. Bul, eldi rawajlandırıwdıń, jámiyetti abadanlastırıwdıń tiykarı bolǵan tarawlarǵa jas hám umtılıwshań qánigeler kirip kiyatırǵanınan dárek beredi.

T.Rwziev,
ÓzA