AQSh 2030-jıllardıń basında Marsqa adam jiberiwdi rejelestirmekte. Atap ótiliwinshe, bunday missiya segiz aydan kóbirek dawam etedi. Bul maǵlıwmattı mámlekettiń transport xatkeri, Agentlik administraciyasınıń basshısı wazıypasın atqarıwshı Shon Daffi málim etken.

– 30-jıllardıń basında Marsqa jetip barıw niyetindemiz, – degen ol «Fox News» telekanalına bergen intervyusinde. – Bul oǵada áhmiyetli joybar. Marsqa shólkemlestiriletuǵın párwaz segiz aydan kóbirek waqıt aladı. Planetada belgili bir jumıslardı orınlap, sońınan qaytıwımız kerek.
Ayǵa ushıw tájiriybesi missiya dawamında astronavtlardıń ómirin támiyinlew ushın sheshiwshi áhmiyetke iye boladı. Kosmosta 8-12 kún qalıw rejelestirilgen. Ótmishtegi eń uzaq múddet úsh kún bolǵan. Qurama Shtatlar óziniń “tayanısh mánzili”n quriw maqsetinde Ayǵa paydalı júk jiberiwdi jolǵa qoyadı.
NASA aldınıraq 2027-jıldıń ortalarında “Artemis III” missiyası sheńberinde yarım ásirden kóbirek waqıt ishinde birinshi márte Ayǵa qonıwdı ámelge asırıw niyetin bildirgen edi.

S.Rahimov, ÓzA