Oliy Majlis Nızamshılıq palatasınıń Isbilermenlik, básekini rawajlandırıw hám sanaat máseleleri komitetiniń májilisinde qalalarda fizikalıq hám yuridikalıq táreplerdiń múrájatlarında kóterilgen máseleler qay dárejede sheshilip atırǵanı boyınsha Transport ministrligi janındaǵı Avtomobil jolları komitetiniń málimlemesi tıńlandı.

Atap ótilgenindey, múrájatlarda kóterilip atırǵan máselelerdi hár tárepleme tallaw, olardı juwapker mámleketlik uyımlarǵa jollaǵan halda unamlı sheshiliwin qadaǵalap barıw Nızamshılıq palatası deputatlarınıń tiykarǵı wazıypalarınan biri bolıp esaplanadı. Ásirese, avtomobil jolları tarawı sıyaqlı áhmiyetli baǵdarlarda kelip túsip atırǵan múrájatlardıń óz waqtında hám sapalı sheshiliwi tikkeley xalıqtıń abadanlıǵına xızmet etedi.
Málimlemede keltirilgenindey, Avtomobil jolları komitetine 2025-jıldıń yanvar-avgust aylarında fizikalıq hám yuridikalıq táreplerden jámi 892 múrájat kelip túsken. Olardıń 508 i unamlı sheshilgen bolsa, 359 ına túsinik berilgen, 25 i kórip shıǵılmaqta.
Komitet basshıları tárepinen shólkemlestirilgen jeke hám kóshpeli qabıllawlarda 33 múrájat kórip shıǵılǵan bolsa, olardıń 23 i unamlı sheshilgen.
Sonday-aq, fizikalıq hám yuridikalıq táreplerdiń múrájatları “Isenim telefonı,” 24/7 rejiminde jumıs alıp baratuǵın “Sall markazi”, “Ashıq jol” elektron platforması arqalı da qabıl etilip, olardı jedellik penen dizimge alıw, kórip shıǵıw hám óz waqtında sheshiw ushın tiyisli wákillikli xızmetkerler, juwapkerlerge jiberiw ámeliyatı jolǵa qoyılǵan.

M.Komilova, ÓzA