Mámleketimizde ónimler hám xızmetlerdiń sapasın jaqsılaw, usı maqsette grantlar, texnikalıq járdemdi jedel tartıw hám bul baǵdarda xalıqaralıq tájiriybelerdi salıstırıw tarawdıń rawajlanıwında áhmiyetli esaplanadı.

Ózbekstan texnikalıq jaqtan tártipke salıw agentliginde Koreya Respublikası sınaw hám sertifikatlastırıw institutı (KTC) hám Ózbekstan Ilimler akademiyası janındaǵı Materialtanıw institutınıń wákilleri menen ushırasıw bolıp ótti.
Ushırasıwda ónimler hám xızmetlerdiń sapasın jaqsılaw, usı maqsette grantlar, texnikalıq járdemdi jedel tartıw, KTC penen tıǵız birge islesiw ornatıw máselesi kórip shıǵıldı, delinedi Ózbekstan texnikalıq jaqtan tártipke salıw agentliginiń maǵlıwmatında.
Koreyanıń KATS, KCL, KOICA, KATRI, KIAT sıyaqlı uyımları menen agentlik alıp barıp atırǵan birge islesiw jumısları atap ótildi. Wákiller quyash panellerin sınaw boyınsha birge islesiwge tayar ekenin bildirdi.
Ushırasıw juwmaǵına bola, Koreya húkimetiniń grantlar hám texnikalıq járdemdi jedel tartıw boyınsha joybar tayarlawı, sınaw hám sertifikatlastırıw tarawında qánigelerge seminar-treningler shólkemlestiriwge kelisip alındı.

A.RUSTAMOV, ÓzA