Mámleketimiz basshısınıń bıyılǵı “Awıl xojalıǵı tarawına zamanagóy texnologiyalardı engiziwdi bunnan bılay da jedellestiriw arqalı nátiyjelilikti arttırıw ilajları haqqında”ǵı pármanına bola, awıl xojalıǵı tarawında jańa imkaniyatlar engizildi.

Atap aytqanda, endi awıl xojalıǵında paydalanılatuǵın 4 million gektardan aslam jer maydanlarında eginlerdi egiw hám suwǵarıw processleri sanlastırıladı.
Tarawda engizilgen 30 dan aslam málimleme sistemaların “bir orın”ǵa birlestiriw arqalı paydalanıwshılar ushın qolaylıqlar jaratıw hám maǵlıwmatlardıń óz-ara muwapıqlıǵı hám isenimliligin támiyinlew ámelge asırıladı.
Sonday-aq, 2026-jıldıń óniminen baslap awıl xojalıǵı shólkemleri ózlerine tiyisli jer uchastkalarına egiw rejelestirilgen awıl xojalıǵı eginleri haqqındaǵı maǵlıwmatlardı “Sanlı awıl xojalıǵı” birden-bir integraciyalasqan platformasına (Agroportal) erkin jaylastırıladı.

Gulnoza Boboeva, ÓzA