Sońǵı jılları ximiya sanaatında turaqlı rawajlanıw hám jańa ideyalardı ámeliyatqa engiziw pútkil dúnya ekonomikası ushın oǵada áhmiyetli baǵdarǵa aylandı, sebebi bul tarawdaǵı jańalıqlar túúrli tarmaqlarda nátiyjelilikti arttıradı hám ekonomikalıq ósiwge xızmet etedi.

Sonıń menen birge, bunday maqsetlerge erisiwde mámleketler arasındaǵı birge islesiw hám birgeliktegi joybarlar sheshiwshi áhmiyetke iye.
Ózbekstan da bul processte belsene qatnasıp, ximiya sanaatındaǵı xalıqaralıq sherikliklerdi keńeytpekte. Jańa joybarlar sebepli mámleket aldınǵı texnologiyalar hám zamanagóy tájiriybelerdi engiziwde izbe-iz qádemler taslamaqta.
“Ózximiyasanaatjoybar” AJ qánigeleri ushın Egipetke shólkemlestirilgen xızmet saparı da áne, usı iygilikli maqsetlerge qaratılǵanı menen áhmiyetli.
Ózbekstan qánigeleri “Polyserve Group” kompaniyası menen ammofos islep shıǵarıw zavodınıń joybarı sheńberinde birge islesiw jumısların alıp barmaqta.
Sapar etiw sheńberinde eki tárepleme birge islesiw baylanısların bekkemlew, texnikalıq muwapıqlastırıw processlerin kúsheytiw hám tájiriybe almasıwǵa ayrıqsha itibar qaratılmaqta. Sonday-aq, ximiya sanaatında zamanagóy sheshimlerdi engiziw boyınsha bir qatar ámeliy qádemler belgilengen.
“Ózximiyasanaat” AJ málimleme xızmetiniń atap ótiwinshe, bul sapar etiw hám birgeliktegi háreketler nátiyjesinde ximiya tarawında jańa óndiris quwatlıqların jolǵa qoyıw, innovaciyalardı xoshametlew hám óndiris nátiyjeliligin arttırıwda ayrıqsha áhmiyetke iye boladı.

N.Ziyodullaeva, ÓzA