Mámleketimizdiń Novosibirsk qalasındaǵı Bas konsulxanasınıń diplomatları hám Ózbekstan Turizm komiteti janındaǵı “Milliy PR orayı”nıń wákilleri turizm tarawına baǵıshlanǵan “TrEvolyuciya 2025” xalıqaralıq konferenciyasına qatnastı, dep xabar bermekte “Dunyo” MA.

Ánjumanda Rossiyanıń barlıq aymaqlarınan kelgen turoperatorlar hám turizm tarawın sáwlelendiriwge qánigelesken blogerler qatnastı.
Ilaj sheńberinde bolıp ótken “B2B” tárizindegi ushırasıwda Ózbekstan tárepi Rossiya wákilleri menen nátiyjeli sóylesiwler ótkerdi.
Rossiyanıń jetekshi turoperatorları ekologiyalıq, etno, shól, gastronomiyalıq, “dark-sky” hám mototurizm sıyaqlı Ózbekstannıń turistlik baǵdarlarına rossiyalı turistler arasında bolǵan joqarı talaptı ayrıqsha atap ótti.
Elimiz turoperatorları Rossiya tárepine Ózbekstan turizm sanaatınıń úlken imkaniyatları haqqında aytıp beriw menen birge, olardı usınıs etilip atırǵan pútkilley jańa turistlik marshrutlar menen de tanıstırdı.

Qaraqalpaqstan xabar agentligi