Kishinyov qalasında Ózbekstan-Moldova komissiyasınıń avtomobil tasıwları máselelerine baǵıshlanǵan májilisi bolıp ótti.

Onda Ózbekstan Respublikası Transport ministrligi delegaciyası Moldova transport hám jol infrastrukturası ministrliginiń wákilleri menen xalıqaralıq avtomobil transportında júk tasıwlardı rawajlandırıw, milliy tasıwshılar ushın qosımsha qolaylıqlar jaratıw máselelerin dodaladı.
Májilis juwmaǵında avtomobil transportında xalıqaralıq júk tasıwlar boyınsha ámeldegi kelisimlerge ózgeris kirgiziw boyınsha protokolǵa qol qoyıldı. Oǵan muwapıq, 2026-jıldıń basınan Ózbekstan hám Moldova arasında eki tárepleme jáne tranzit júk tasıwlar ruqsatnamasız ámelge asırılatuǵını belgilendi.
Bul kelisim Ózbekstan tasıwshıları ushın Evropa jónelisinde qosımsha imkaniyatlar jaratıp, sırtqı ekonomikalıq baylanıslardı bekkemleydi.

Hamroz Bayanov, ÓzA