Xojeli rayonındaǵı 42 ulıwma orta bilim beriw mekteplerinde “Watan ushın, millet ushın, xalıq ushın!” súreni astında jańa oqıw jılınıń birinshi qońırawı qaǵılıp, dáslepki oqıw saatları baslandı.

Rayon hákimi J.Ermashev “Júzimzar” máhállesinde jaylasqan 32-sanlı mektepte ótkerilgen bayram saltanatında bolıp, jańa 2025-2026-oqıw jılın baslap atırǵan oqıwshılar hám mektep jámáátin qızǵın qutlıqladı. Ilaj dawamında 1-klassqa qádem taslap atırǵan balalarǵa Prezident sawǵaları saltanatlı túrde tapsırılıp 11-klass oqıwshıları ushın birinshi “Keleshek saatı” ótkerildi.
Usı jılı rayon aymaǵındaǵı barlıq ulıwma orta bilim beriw mekteplerine jámi 2240 oqıwshı 1-klassqa qamtıp alındı.

Qaraqalpaqstan xabar agentligi