Búgin barlıq bilimlendiriw mákemelerinde jańa 2025-2026-oqıw jılınıń baslanıwına baǵıshlanǵan dástúriy 1-qońıraw ilajları saltanatlı túrde ótkerilmekte.

Qaraqalpaqstan Respublikası Bajıxana basqarması tárepinen atalıqqa alınǵan Nókis qalasındaǵı 31-sanlı ulıwma bilim beriw mektebiniń bayram ilajında basqarma juwapkerleri, máhálle belsendileri, mektep jámááti hám ata-analar qatnastı. Ilaj dawamında, bilimlendiriw hám tárbiyanıń turmısımızda tutqan ornı atap ótilip, jas áwladqa jaqsı tilekler bildirildi.
Sonday-aq, Bajıxana basqarması xızmetkerleri Nókis qalasındaǵı 15-sanlı ulıwma bilim beriw mektebinde bolıp, 1-klassqa qádem qoyıp atırǵan mektep oqıwshıların qutlıqlap, olarǵa oqıw jılı tabıslı baslanıwın tiledi.
Jańa oqıw jılı hámmege tabıs, izlenislerde úlken jetiskenlikler alıp keletuǵınına isenim bildirildi. 1-qońıraw bolsa barlıq oqıwshı hám ustazlar ushın jańa maqsetler hám jaqsı arzıwlar jolında qádem boldı.

Qaraqalpaqstan xabar agentligi