Qanlıkól rayonında da «Watan ushın, millet ushın, xalıq ushın” degen bas ideyanı ózinde jámlegen shólkemlestiriwshilik-ámeliy, ruwxıy-aǵartıwshılıq hám úgit-násiyat ilajları baǵdarlaması sheńberinde, Ózbekstan Respublikası mámleketlik ǵárezsizliginiń 34 jıllıǵına baǵıshlanıp bayram keshesi ótkerildi.

Bayram saltanatın rayon hákimi B.Sultanov kiris ashıp berdi hám rayon xalqın ǵárezsizlik bayramı menen qızǵın qutlıqlap, jaqsı tileklerin bildirdi.
Atap ótilgenindey, sońǵı jılları elimizde Prezidentimizdiń basshılıǵında barlıq aymaqlar qatarında Qanlıkól rayonında da keń kólemli reformalar ámelge asırılıp, elimizdi sociallıq-ekonomikalıq jaqtan rawajlandırıwǵa ayrıqsha itibar qaratılmaqta.
Bayram qatnasıwshıları bayramǵa ózgeshe tayarlıqlar menen keldi. Mine, bıyıl da xalqımız janajan Ózbekstanımız ushın óz aldına ullı maqset hám wazıypalardı qoydı. Álbette, 34 jıl bir jigittiń kamalǵa kelip, áyne kúshke tolǵan, jaslıq jiger menen keleshekke isenimli qádem taslaǵan mártlerine teńlestiriledi. Sol sıyaqlı Ózbekstan da dúnya jámiyetshiliginde óz ornına iye qúdiretli mámleket sıpatında aydın keleshekke qaray isenimli qádem taslamaqta.
Bayram ilajında tarawda jemisli miynetleri ushın bir qatar belsendiler rayon hákimligi tárepinen sıylıqlandı.
Házirgi kúnde Qanlıkól rayonında 54 mıńnan aslam túrli millet wákilleri tınısh hám tatıw jasap miynet islep kelmekte. Bayram ilajında Ózbekstan kóp milletli mámleket ekenin sáwlelendiriwshi shıǵıwlar bayramǵa ózgeshe zawıq baǵıshladı. Baǵdarlamadan orın alǵan kórkem óner sheberleri hám jas talant iyeleriniń atqarıwındaǵı Watan, doslıq, tınıshlıq hám tatıwlıq, jaslıq haqkındaǵı qosıqlar hám ayaq oyınlar jıynalǵanlarǵa kóterińki keypiyat baǵıshladı.
Saltanatlı bayram ilajı xalıq seyili, koncert baǵdarlaması menen dawam etti.

Qaraqalpaqstan xabar agentligi