Házirgi kúnleri pútkil elimiz boylap “Watan ushın, millet ushın, xalıq ushın!” súreni tiykarında Ózbekstan Respublikası Ǵárezsizliginin 34 jıllıq bayramı kóterińki ruwxta belgilenip, bul bayram xalqımızdı sheksiz quwanıshlarǵa bólemekte.

Usınday saltanatlı bayram ilajı Qaraqalpaqstan Respublikası AIJSke qarsı gúresiw orayında da ótkerilip, oǵan miynet jámááti aǵzaları qatnastı.
Ilajda oray bas shıpakeri Dj. Madreymova, kásiplik awqam komiteti baslıǵı G. Xabipovalar shıǵıp sóylep ilaj qatnasıwshıların Ózbekstan Respublikası Ǵárezsizliginin 34 jıllıǵı hám 2-sentyabr- Bilimler kúni bayramı menen qızǵın qutlıqlap, sáne múnásibeti orayda islewshi xızmetkerler balalarının 1-klassqa oqıwǵa barıwı ushın jańa oqıw quralları sawǵa etildi.
Óz gezeginde sawǵa iyeleri atınan bir qatar xızmetkerler shıǵıp sóylep, ilaj shólkemlestiriwshilerine óz minnetdarshılıqların bildirdi.

Adilbay Orazov,
Qaraqalpaqstan xabar agentligi sholıwshısı.