Ǵárezsizlik bayramı qarsańında Qanlıkól rayonındaǵı eki jasqa jańa turaq jay tapsırıldı.

Mámleketimizde baǵıwshısın joǵaltqan hám ata-ana qaramaǵınan ayırılǵan balalardıń sociallıq jaqtan qorǵalıwın kúsheytiw, olardı turaq jaylar menen támiyinlew, úlken turmısqa tayarlaw ushın qolaylı sharayatlar jaratıw sistemasın jetilistiriw maqsetinde bir qatar ámeliy ilajlar alıp barılmaqta.
Húrmetli Prezidentimizdiń 2021-jıl 9-avgust kúngi qararı mine, usınday jaslardı qollap-quwatlawǵa tiykar bolıp xızmet etpekte. Usı qararǵa muwapıq, Qanlıkól rayonındaǵı 2 jasqa jańa jaylar tapsırıldı.
Álbette, bunday qayırqomlıq ilajları tiyisli qarar hám pármanlarǵa muwapıq túrde jetim balalar hám ata-ana qaramaǵınan ayırılǵan balalardıń sociallıq qorǵalıwın kúsheytiw, turaq jaylar menen támiyinlew, olardı turmısqa tayarlaw ushın qolaylı sharayatlar jaratıw maqsetinde ámelge asırılmaqta.
Mámleketimiz basshısınıń atalarsha ǵamxorlıǵı sebepli bul jaslardıń ármanları ámelge astı.

Qaraqalpaqstan xabar agentligi