Qubla Koreya parlamenti mekteplerde sabaq waqtında mobil telefonlar hám smartfonlardan paydalanıwdı qadaǵan etiwshi nızam qabıl etti. Qadaǵan 2026-jıl mart ayınan kúshke kiredi.

Nızam, sonday-aq, muǵallimlerge tek sabaqlarda emes, al mektep imaratlarında da oqıwshılarǵa telefonnan paydalanıwdı qadaǵan etiw huqıqın beredi. Bunnan tısqarı, mektepler oqıwshılarǵa smart qurılmalardan durıs paydalanıwdı úyretiw minnetlemesin aladı.
Húkimet tárepinen 2024-jılı ótkerilgen soraw nátiyjelerine bola, Qubla Koreyanıń 51 million xalqınıń derlik sherek bólegi óz telefonlarına baylanısıp qalǵan. Bul kórsetkish 10 jastan 19 jasqa shekemgi balalar arasında eki esege joqarı – 43 procentke shekem.

Qaraqalpaqstan xabar agentligi