Búgin Tashkent irrigaciya hám awıl xojalıǵın mexanizaciyalaw injenerleri universitetinde suw xojalıǵı tarawındaǵı isbilermenler hám ilimpazlar arasında ashıqtan-ashıq sóylesiw ótkerilmekte.

Ilajǵa 240 qánige, sonıń ishinde, xalıqaralıq shólkemlerdiń wákilleri de qatnaspaqta.
Ashıqtan-ashıq sóylesiw sheńberinde joqarı bilimlendiriw hám ilimiy shólkemlerdiń ilimiy xızmetkerleri tárepinen jaratılǵan qollanbalar kórgizbesi de ótkerilip, onda 180 ilimiy qollanba kórsetilmekte.
Máselen, “KAVSAR” awıl xojalıǵı jerlerin elektrsiz suw jetkerip beriw joybarı usınılǵan. Bul quyash energiyasında isleytuǵın suwǵarıw sisteması bolıp, 3,6 kVt quyash paneli hám 15 kVt akkumulyatorǵa iye. Ulıwma bahası 220 million sumdı quraydı, sonıń esabınan fermer 15 gektar jerdi úzliksiz hám únemli usılda suwǵarıw imkaniyatına iye boladı.

Qaraqalpaqstan xabar agentligi