Iran hám Evropa úshligi – Ullı Britaniya, Germaniya hám Franciya wákilleriniń Jenevada bolıp ótken ushırasıwında sezilerli ilgerilew sezilmedi, dep jazǵan “Axios” portalı dáreklerge súyenip.

Waqıya eski kontinent mámleketleri tárepinen Islam Respublikasınıń yadrolıq baǵdarlaması boyınsha belgilengen múddetten 5 kún aldın júz bergen. Dereklerge bola, AQSh penen sóylesiwdi qayta baslaw, BMSh qánigelerine Izrail hújimi nátiyjesinde zıyan kórgen yadro obektlerinen paydalanıw imkaniyatın támiyinlew, qalǵan 60 procent bayıtılǵan uran rezervi boyınsha qoyılǵan talaptı orınlaw boyınsha Iran tárepinen anıq qádemler usınıs etilmegen.
Sóylesiw procesinde rawajlanıwdıń joq ekenligi Evropa mámleketleri tárepinen eger 31-avgustqa shekem talap orınlanbasa, “Snapback” mexanizmin jedellestiriw itimalın sezilerli dárejede arttıradı. “Snapback” huqıqıy mexanizmi 2015-jılǵı yadro kelisiminiń bir bólegi bolıp, BMSh Qáwipsizlik Keńesiniń Iranǵa qarsı sankciyası qozǵatılıwın názerde tutadı.

S.Rahimov, ÓzA