Respublikalıq balalar kitapxanasında Jaslar isleri agentligi tárepinen «Tamır» («Ildiz») rubrikası astında basıp shıǵarılǵan kitaplar toplamınıń prezentaciyası bolıp ótti.

Bizge belgili, usı kúnge shekem agentlik tárepinen enciklopedist ilimpazlar, ullı sárkardalar, aǵartıwshı ilimpazlardıń ilimiy hám ruwxıy miyrasın keńnen úgit-násiyatlaw arqalı jas áwladtı milliy qádiriyatlar hám watansúyiwshilik ruwxında tárbiyalawǵa qaratılǵan ıqsham “Jadidler”, “Oyanıw” sıyaqlı kitaplar toplamları basıp shıǵarılǵan edi.

Gezektegi basılım 4-7 jastaǵı balalar ushın mólsherlengen «Tamır» («Ildiz») toplamı boldı.

Balalar ushın enciklopedist ilimpazlar, ullı sárkardalar, aǵartıwshı ilimpazlardıń ilimiy hám ruwxıy miyrası haqqında túsinik oyatıw maqsetinde basıp shıǵarılǵan «Tamır» («Ildiz») kitaplar toplamı ózbek xalqınıń tereń tamırları, qádiriyatları haqqındaǵı joybar bolıp esaplanadı.

Ullı ata-babalarımızdıń balalıq kelbeti sáwlelendirilgen bul toplamda 10 ilimpaz hám ullı mámleketlik ǵayratkerlerdiń ómiri, ilimiy-dóretiwshilik jumısı, shıǵarmalarınıń mazmun-mánisi, ideya hám kózqarasları óz kórinisin tapqan.

Kitap jaslardı qızıqtırıw hám oqıwǵa qolaylı bolıwı ushın qalta kitap túrinde basıp shıǵarıldı.

Kitaplardıń hár biri 20 mıń nusqada basıp shıǵarılıp, hár bir bilimlendiriw mákemesi, ministrlik, uyımlardıń kitapxanalarına jetkeriledi.

Gulnoza Boboeva, Óktam Hayitov (súwret), ÓzA