Qıtay húkimeti siyrek ushırasatuǵın jer astı metalları ústinen qadaǵalawdı kúsheytiwge qaratılǵan waqıtsha qaǵıyda járiyaladı, dep xabar tarqatqan “Sinxua” agentligi.

Jańa tártipke bola, mámleket hár jılı siyrek ushırasatuǵın jer elementlerin qazıp alıw hám qayta islew ushın kvota belgileydi. Belgili norma milliy rawajlanıwdıń tiykarǵı baǵdarı, rezervtiń kólemi hám sortı, ekologiya hám bazar talabı, tarawdıń perspektivası sıyaqlı faktorlardı esapqa alǵan halda, kárxanalar arasında bólistiriledi.
Kompaniyalar usı tiykarda, nızam hám hákimshilik qaǵıydaǵa qatań ámel etken halda jumıs islewi shárt. Topıraq quramındaǵı siyrek ushırasatuǵın elementlerdi islep shıǵarıwshılar ónimniń ózgesheligin atap ótiwi, mámleketlik baqlaw sistemasına tiyisli maǵlıwmattı kirgiziwi kerek.
Jergilikli hákimiyat uyımlarına kárxanalardıń jumısın qadaǵalaw, tekseriwdi kúsheytiw, sonday-aq, ámeldegi nızamshılıq sheńberinde huqıqbuzarlıqtıń aldın alıw usınıs etiledi.
Bul hújjet Sanaat hám málimleme texnologiyaları ministrligi tárepinen Rawajlanıw hám reformalar mámleketlik komissiyası jáne Tábiyǵıy resurslar ministrligi menen birgelikte tayarlanǵan.
Siyrek ushırasatuǵın topıraq metalları dizimine jalpaq ekranlı televizordan baslap, lazer hám gibrid avtomobilge shekem – joqarı texnologiyalı ónim islep shıǵarıwda keńnen qollanılatuǵın 17 túrli element kirgizilgen.

S.Rahimov, ÓzA