Usı jıldıń 26-avgust kúni Rossiya Federaciyasınıń Moskva qalasında xalıqaralıq toqımashılıq ónimleri kórgizbesi – “Intertkan-Osen 2025” óz jumısın basladı.

Bul abıraylı ilajda dúnyanıń jetekshi kompaniyaları qatarında Ózbekstan da milliy stendi menen qatnaspaqta.
Ózbekstan Sawdanı rawajlandırıw kompaniyasınıń járdeminde 25 jergilikli kárxana wákilleri eki oraylıq pavilonda “Made in Uzbekistan” milliy stendlerinde óz ónimlerin kórsetpekte. Bıyılǵı kórgizbede ulıwma 7 mámleketten 800 den aslam kárxana qatnaspaqta. Keliwshilerdiń sanı bolsa 40 mıń adamnan aslam bolıwı kútilmekte.
Bul haqqında «Óztoqımashılıqsanaat» associaciyası Xalıqaralıq brendlerdi tartıw bólimi baslıǵı Abdulaziz Abdurahimov ÓzAnıń xabarshısına tómendegilerdi málim etti.
– Xalıqaralıq kórgizbelerde qatnasıw jergilikli islep shıǵarıwshılarımız ushın úlken imkaniyat jaratadı. Moskvadaǵı “Intertkan-Osen 2025” kórgizbesi arqalı dúnya bazarında talap joqarı bolǵan toqımashılıq ónimlerin kórsetpektemiz. Bul tek ǵana ónimlerimizdiń sapası hám ráńbáráńligin kórsetiw emes, al xalıqaralıq brendler menen tikkeley birge islesiwdi jolǵa qoyıwǵa xızmet etedi. Sonıń menen birge, usı platforma arqalı regionallıq bazarlardaǵı jańa tendenciyalar menen de tanısıw múmkin, – dedi ol.
Onıń sózlerine bola, bunday abıraylı ilajlarda qatnasıw jergilikli kárxanalardıń eksport potencialın arttırıw, sırt el investiciyaların tartıw hám “Made in Uzbekistan” brendiniń xalıqaralıq maydandaǵı abırayın bekkemlewge xızmet etedi.
Kórgizbe óz jumısın dawam ettirmekte hám onıń sheńberinde isbilermenlik sóylesiwlerin ótkeriw, jańa shártnamalar dúziw hám strategiyalıq sheriklik qatnasıqların jolǵa qoyıw názerde tutılǵan.

N.Ziyodullaeva,
ÓzA