Senatta Watanımız ǵárezsizliginiń 34 jıllıq bayramı múnásibeti menen senatorlar hám jas ilimpazlardıń ushırasıwı shólkemlestirildi.

Ilajda Senattıń Jaslar, hayal-qızlar, mádeniyat hám sport máseleleri komitetiniń baslıǵı Orzigul Qozixonova hám senator Malika Qodirxonova, jaslar parlamenti aǵzaları hám Jas ilimpazlar keńesiniń wákilleri qatnastı.
Ushırasıwda Prezidentimizdiń basshılıǵında Jańa Ózbekstannıń rawajlanıw strategiyası sheńberinde alıp barılıp atırǵan reformalardıń mazmun-mánisi, erisilgen nátiyjeler hám perspektivadaǵı wazıypalar boyınsha pikir alısıldı.
Atap aytqanda, nızamshılıqtı jetilistiriw, aymaqlardı sociallıq-ekonomikalıq rawajlandırıw, kámbaǵallıqtı qısqartıw hám xalıqtıń sociallıq qorǵawǵa mútáj qatlamların qollap-quwatlaw boyınsha ámeliy isler alıp barılıp atırǵanı atap ótildi. Bul baǵdarda óz-ara birgelikte jumıs alıp barıw, ǵárezsizlikti bekkemlewge úles qosıw hámmeniń áhmiyetli maqseti bolıwı zárúr ekenligi atap ótildi.
Senatorlar tárepinen parlamentleraralıq birge islesiwdi bekkemlew, mámleketimizde jaslarǵa jaratılıp atırǵan sharayat hám imkaniyatlar haqqında hár tárepleme maǵlıwmat berildi.
Ushırasıw qatnasıwshıları Senat imaratı hám onıń jumısı menen jaqınnan tanıstı.

N.Abduraimova,
ÓzA