«Qurılıs obektlerinde QR-kodlı (matrik shtrixlı kod) pasport ornatıw tártibi haqqında»ǵı reje Ádillik ministrliginde mámleket dizimnen ótkerildi.

Oǵan bola, QR-kodlı pasport qurılıs obekti aymaqlıq inspekciyalarda dizimnen ótken kúnde buyırtpashı tárepinen obekttiń kiriw bólimine yamasa hámme ushın kórinetuǵın jerde májbúriy tártipte ornatıladı.
QR-kodlı pasport qurılıs obekti aymaqlıq inspekciyalarda dizimnen ótken kúnnen baslap, obekt paydalanıwǵa tapsırılǵan kúnge shekem ámelde bolıwı zárúr.
QR-kodlı pasport ıǵallıq hám sırtqı tásirlerge shıdamlı materialdan tayarlanǵan bolıwı, ulıwma ólshemleri 2400×1200 mm dı qurawı hám jer qatlamınan keminde 1 m bálentlikte ornatılıwı zárúr.
Qurılıs obekti aymaqlıq inspekciyasında dizimnen ótkerilgen soń, «Ashıq-aydın qurılıs» málimleme sistemasında obektke baylanıslı dáslepki maǵlıwmatlar jaylastırılǵan bet ushın QR-kod avtomat túrde qáliplestiriledi.

ÓzA