Ekonomikalıq izertlewler hám reformalar orayınıń maǵlıwmatlarına bola, 2025-jıldıń birinshi yarım jıllıǵı juwmaqlarına bola, biznes ortalıǵında sezilerli jaqsılanıw baqlanǵan. Bul bolsa isbilermenlik jumısında iseniminiń artıwı hám ekonomikalıq belsendiliktiń keńeyiwinen dárek beredi.

Isbilermenlik ortalıǵı indeksiniń ortasha kórsetkishi 58 bántti quradı. Bul ótken jıldıń usı dáwirine salıstırǵanda 4 bántke joqarı. Yanvar ayında biznes ortalıǵı kórsetkishi 52 bántten, iyun ayında 63 bántke shekem joqarılaǵan.
Házirgi jaǵday sub-indeksi 44 bántti quradı. Isbilermenlerdiń keleshektegi kútilmeleri indeksi jıl basına salıstırǵanda 25 bántke artıp, 73 bántke jetti.
Eń joqarı ósiw sanaat tarmaǵında atap ótildi, xızmetler 3 punktke kóterildi, qurılıs tarmaǵında ózgeris baqlanbadı.
Awıl xojalıǵında kishi tómenlew baqlandı. Bul bolsa máwsimlik faktorlar menen baylanıslı.
Isbilermenler arasında ótkerilgen sorawnama nátiyjelerine bola, 42 procent qatnasıwshılar óz biznesiniń házirgi jaǵdayın “jaqsı” dep bahalaǵan, 74 procent bolsa kelesi 3 ayda biznesi jaǵdayınıń jaqsılanıwın kútpekte. Biznes wákilleriniń ortasha 70 procentke shamalası 3 ayda ónimler hám xızmetlerge bolǵan talaptıń ósiwin kútip atırǵanın bildirgen.
Inflyaciyaǵa baylanıslı kútimler tómenlew tendenciyasın kórsetpekte: jıldıń basında óz ónimi yamasa xızmetleri artıwın kútip atırǵanlardıń úlesi 25 procent bolsa, iyun ayında 21 procentti quraǵan.
Sorawda qatnasqan isbilermenlerdiń 59 procenti biznes júrgiziwde úlken tosqınlıqlar joq ekenligin atap ótken. Biraq isbilermenlerdiń 10 procenti qarjılandırıw, 6 procenti salıq hákimshiligi hám 6 procenti salıq stavkalarınıń joqarılıǵı menen baylanıslı mashqalalardı kórsetken.
Tarmaqlar kesiminde bolsa qarjılandırıwǵa erisiwde eń úlken tosqınlıqlar awıl xojalıǵında, sanaat hám qurılısta bolsa joqarı salıq stavkaları hám salıq hákimshiligi kóbirek atap ótilgen.
Isbilermenlik jumısınıń jedel ósiwi, eksport imkaniyatlarınıń keńeyiwi hám hákimshilik tosqınlıqlardıń azayıwı Ózbekstanda biznes ortalıǵın turaqlı unamlı dep bahalawǵa tiykar jaratadı.
Isbilermenlerdiń jaqın aylarǵa bolǵan úlken úmitleri ekonomikalıq ósiwdi bunnan bılay da bekkemlew hám mámlekettiń investiciyalıq tartımlılıǵın arttırıw ushın tiykar jaratadı.

Mohigul QOSIMOVA tayarladı, ÓzA