Pekinde Qıtay Xalıqaralıq baspasóz orayı (CIPCC) tárepinen shólkemlestirilgen 2025-jılǵı bilimlendiriw joybarında qatnasıw ushın bul ret 90 ǵa shamalas mámleketten 100 kásiplesimiz jıynaldı.

Túrli mámleketler, shólkemler menen mádeniy, ilimiy hám bilimlendiriw tarawındaǵı baylanıstı rawajlandırıw, mádeniy hám bilim almasıw kólemin keńeytiw, qatnasıwshılarǵa Shın úlkesiniń tariyxı, mádeniyatı hám ekonomikası haqqında maǵlıwmat beriw sıyaqlı maqsetlerdi gózlegen CIPCC – “China International Public Communication and Cooperation” baǵdarlaması tiykarında hár qıylı trening, seminar hám brifingler de shólkemlestiriledi.
Búgin joybar sheńberinde “ShBShnıń jańa dáwirdegi tariyxı” kitabınıń prezentaciyası bolıp ótti. Shanxay birge islesiw shólkeminiń gumanitarlıq, bilimlendiriw hám mádeniyat baǵdarlarındaǵı joybarlarına baǵıshlanǵan bul shıǵarmada “Shanxay ruwxı”nıń tiykarǵı qádiri – isenim, óz-ara túsinisiw hám birgelikte rawajlanıwdı sáwlelendiretuǵın 18 tariyx jámlengen.
Gezektegi ShBSh sammiti aldınan tayarlanǵan basılım qatnasıwshı mámleketlerdiń eki hám kóp tárepleme sheriklikti bekkemlewge qosqan úlesin de sáwlelendiredi.
Prezentaciyada Qıtay Xalıq Respublikası sırtqı isler ministriniń orınbasarı Lyuy Bin 24 jıl ishinde ShBSh tek ǵana qáwipsizlikke baylanıslı emes, al ekonomika, diplomatiya, mádeniy-gumanitarlıq máselelerdi de qamtıp alǵan strukturaǵa aylanǵanın atap ótti.
“ShBSh gumanitarlıq almasıw forumı-2025: Tatıwlıq hám awızbirshilik – keleshekti birgelikte jaratamız” atamasındaǵı ilajda bıyılǵı jılǵı ilajlar tiykarınan gumanitarlıq tarawda birge islesiwdi kúsheytiw hám aǵza mámleketler arasında almasıwdı rawajlandırıwǵa qaratılǵanı atap ótildi.
Ánjumanda Shólkemniń Bas xatkeri Nurlan Ermekbaev, sonday-aq, QXR Kommunistlik partiyası Oraylıq komiteti Úgit-násiyat bólimi hám Qıtay Mediakorporaciyası basshıları da qatnasıp, shıǵıp sóyledi.

Muhayyo Toshqorayeva,
ÓzAnıń xabarshısı
Qıtay, Pekin