Mámleketimizde hayal-qızlar hám jaslardıń huqıqları, erkinlikleri jáne nızamlı máplerin isenimli qorǵaw boyınsha sistemalı jumıslar ámelge asırılmaqta.
Jaslar isleri agentligi hám “Startup Garage” menen birgeliktegi jańa joybar student-jaslar hám jas hayal-qızlar ushın úlken imkaniyatlar beriwi kútilmekte.
Sonıń ishinde, endi olar óz startap ideyaların rawajlandırıw, ámelde sınaqtan ótkeriw hám qarjılandırıw imkaniyatına iye boladı. Birge islesiw tiykarında trening hám sheberlik sabaqları shólkemlestirilip, qatnasıwshılar biznes júrgiziw boyınsha ámeliy kónlikpelerge iye boladı.
“Startup Garage” hayal-qızlardıń baslamaların tabıslı biznes joybarlarǵa aylandırıwǵa járdem beredi. Sonday-aq, olar venchur kapital hám fondlardan finanslıq járdem alıw imkaniyatına iye bolıp, joybarların tek ǵana mámleketimizde emes, al dúnya bazarında da úgit-násiyatlawı múmkin.
Bunnan tısqarı, qatnasıwshılar Founders School Community startap jámiyetine qosılıp, barlıq resurslardan paydalanıw huqıqına iye boladı.

Gulnoza Boboeva, ÓzA