2026-jılǵı ónim ushın awıl xojalıǵı jumıslarına sistemalı túrde start berildi. Búgin Tórtkúl rayonındaǵı “Kwna Twrtkwl” hám Ámiwdárya rayonındaǵı “CHoykwl” awıl puqaralar jıyınları aymaqlarında jaylasqan “Twrtkwlli Qutlımurat Xwdaybergen” hám “CHoykwl Dwstlik” fermer xojalıqlarında ámeliy kórgizbeli seminar bolıp ótti, – dep maǵlıwmat beredi Ámiwdárya rayonı Málimleme xızmeti bólimi.

Onda Qaraqalpaqstan Respublikası Ministrler Keńesi Baslıǵınıń awıl hám suw xojalıǵı máseleleri boyınsha orınbasarı Sh.Teshaev, Tórtkúl hám Ámiwdárya rayonlarınıń hákimleri, taraw juwapkerleri qatnastı.
Seminar sheńberinde gúzgi biyday egiw jumısların sapalı shólkemlestiriw, agrotexnikalıq ilajlardı óz waqtında ámelge asırıw hám bar jer maydanlarınan únemli paydalanıw máseleleri dodalandı. Sonıń menen birge, ǵawasha maydanlarında defoliaciya processlerin basqıshpa-basqısh hám nátiyjeli shólkemlestiriw arqalı keleshektegi ónimdarlıqtı arttırıwǵa qaratılǵan usınıslar berildi.
Ilaj qatnasıwshıları ámeliy processlerdi baqlaw menen birge ózlerin qızıqtırǵan sorawlarǵa juwap aldı, sonday-aq, aymaqlarda orınlanıwı zárúr bolǵan tiykarǵı wazıypalar belgilep alındı.
Seminar juwmaǵında diyqanlar úlken úmit hám jaqsı niyetler menen jerge biyday tuqımın sebiwge kiristi. Bunday ilajlar tek ǵana tájiriybe almasıw emes, al awıl xojalıǵında joqarı nátiyjelerge erisiwge xızmet etpekte.

Qaraqalpaqstan xabar agentligi