Oliy Majlis Senatı janındaǵı Jaslar parlamenti hám Ózbekstan Respublikası Bilimlendiriwdi rawajlandırıw respublikalıq ilimiy-metodikalıq orayı arasında birge islesiw memorandumına hám “jol kartası”na qol qoyıldı.

Ilajda bul birge islesiw bilimlendiriw procesine innovaciyalıq pedagogikalıq texnologiyalardı engiziw, házirgi zaman hám jámiyettiń talaplarına juwap beretuǵın oqıw rejeleri, baǵdarlamaları jáne oqıw-metodikalıq ádebiyatlardı islep shıǵıw hám ámeliyatqa engiziw tarawındaǵı birge islesiwdi bunnan bılay da bekkemlewge qaratılǵanı atap ótildi.
Tárepler birge islesiw sheńberinde bilimlendiriwdiń sapasın arttırıw, jaslardıń baslama hám joybarların qollap-quwatlaw, sonday-aq, áhmiyetli máselelerge baǵıshlanǵan konferenciyalar, seminar-treningler hám dógerek sáwbetlerin shólkemlestiriw rejelestirilgenin atap ótti.
Sonıń menen birge, jetekshilik, sheshenlik sheberligi hám joybar basqarıwı boyınsha onlayn oqıw kursın jolǵa qoyıw boyınsha pikir alısıldı.
Keleshekte jaslardıń jámiyetlik belsendiligin arttırıw maqsetinde oraydıń “Keleshek dóretiwshileri” joybarı sheńberinde de bir qatar ilajlar ámelge asırıladı.
Jaslardıń sanlı sawatlılıǵın arttırıw hám virtual mákanda qáwipsiz bilimlendiriw ortalıǵın jaratıw maqsetinde kiberqáwipsizlik máseleleri boyınsha onlayn kurs shólkemlestiriledi.

N.Abduraimova, ÓzA