Usı kúnlerde Rossiya Federaciyasınıń Qazan qalasında selekciya hám tuqımgershilik tarawına baǵıshlanǵan “Russkiy pole – 2025” xalıqaralıq forumı bolıp ótpekte. Onda dúnyanıń hár qıylı mámleketleri qatarında Ózbekstan Awıl xojalıǵı ministrligi janındaǵı Tuqımgershilikti rawajlandırıw orayı direktorınıń orınbasarı Shermuhammad Aminov basshılıǵındaǵı delegaciya aǵzaları da qatnaspaqta.

Forum dawamında olar zamanagóy selekciya jetiskenlikleri, tuqımlıq islep shıǵarıw texnologiyaların jetilistiriw hám xalıqaralıq birge islesiwdi bekkemlew boyınsha tájiriybe almaspaqta.
Tuqımgershilikti rawajlandırıw orayınıń maǵlıwmatına bola, bul forum Ózbekstanda tuqımgershilik tarawın rawajlandırıw ushın áhmiyetli maydan bolıp xızmet etpekte. Onda úyrenilip atırǵan aldınǵı tájiriybeler keleshekte sapalı tuqım jetistiriw processlerin bunnan bılay da jetilistiriw hám agrar tarmaqtıń nátiyjeliligin arttırıwǵa tiykar jaratadı.

Gulnoza Boboeva, ÓzA