Búgin erte tańnan “Abat hám payızlı máhálle – elimiz kórki” súreni astında ulıwma xalıqlıq qayırqomlıq shembiligine Taqıyatas rayonında start berildi.

Ilajda rayon hákimi Kamiljan Aytbaev hám huqıq qorǵaw tarawı basshıları sózge shıǵıp, eń ullı, eń áziz bayram – Ǵárezsizlik áyyyamın múnásip kútip alıw, Jańa Ózbekstanda «shembilik» – doslıq, awızbirshilik, miyrim-shápáát, tazalıq sıyaqlı jaqsı pazıyletlerde, mánzillerdi abat etiw, kewillerdi jaqtı etiw sıyaqlı iygilikli islerdi ámelge asırıw boyınsha tiyisli tapsırmalar berildi. Rayondaǵı barlıq mákeme shólkemlerdiń xızmetkerleri, máhálle jetiligi qatnasıwında azanǵı tarqatıw ilajı bolıp ótti.
“Abat hám payızlı máhálle-elimiz kórki” súreni astında ótkerilip atırǵan ulıwmaxalıqlıq qayırqomlıq shembiliginde rayon xalqı da belsene qatnaspaqta. Kárxana hám shólkemlerde de abadanlastırıw hám imarat átirapın gózzal kóriniske keltiriw maqsetinde hár bir shólkem xızmetkerleri barlıq jumıslarda belsene qatnaspaqta. Shembilikke qatnasıwshılardıń maqseti bir, olda bolsa elimizdi abat etiw hám Ǵárezsizligimizdiń 34 jıllıq bayramın múnásip kútip alıw.

Qaraqalpaqstan xabar agentligi