22-23-avgust kúnleri elimiz boylap “Abat hám payızlı máhálle – elimiz kórki” súreni astında ulıwmaxalıqlıq qayırqomlıq shembiligi ótkerilmekte. Bul iygilikli ilajda ámiwdáryalılar da joqarı belsendilik penen qatnaspaqta.

Ásirese, rayonlıq Sanitariya-epidemiologiyalıq tınıshlıq hám jámietlik salamatlıq bóliminiń xızmetkerleri shembilik jumıslarında belsene qatnasıp, elimiz abadanlıǵı hám qorshaǵan ortalıqtıń tazalıǵına múnásip úles qospaqta. Solardıń qatarında Ámiwdárya rayonı Medicina birlespesiniń jámááti de shembilikte belsene qatnaspaqta.
Shembilik processlerinde xalıq penen birge túrli shólkemler hám mákemeler, sonıń ishinde, bilimlendiriw tarawınıń wákilleri de úlken kúsh penen miynet etpekte. Rayondaǵı mektep hám mektepke shekemgi bilimlendiriw shólkemleriniń jámáátleri shembilikte qorshaǵan ortalıqtı abadanlastırıw, kóklemzarlastırıw jumıslarında belsendilik kórsetpekte.
Sonday-aq, 48-sanlı mektepke shekemgi bilimlendiriw shólkeminiń jámááti bul ilajda ayrıqsha belsendilik kórsetip, máhálleniń kórki hám tazalıǵın támiyinlewge shın kewilden miynet etpekte,- dep maǵlıwmat beredi rayon hákimligi Málimleme xızmeti bólimi.
Ulıwmaxalıqlıq qayırqomlıq shembiligi keń kólemde, joqarı keypiyatta ótkerilip atırǵanı, jámiyetshiliktiń onda qatnasıwı hám awızbirshiligi arqalı elimizdegi máhálleler jáne de abat hám bereketli boları sózsiz.

Qaraqalpaqstan xabar agentligi