“Abat hám payızlı máhálle – elimiz kórki!” súreni astında ótkerilip atırǵan qayırqomlıq shembiligi Awıl xojalıǵı ministrliginde de kóterińkilik ruwxta ótkerilmekte.

Ministrlik xızmetkerleri tań azannan jumısqa kirisip, ministrliktiń imaratı átirapın abadanlastırıw, aymaqtı shıǵındılardan tazalaw hám tereklerdi háklew jumısların ámelge asırdı.
Álbette, bul qayırqomlıq shembiligi tek ǵana qorshaǵan ortalıqtı tazalawǵa emes, al adamlardı birlestiriwge, miyrim-shápáátti kúsheytiwge hám jámiyette óz-ara járdem sezimin arttırıwǵa xızmet etedi.

Qaraqalpaqstan xabar agentligi