Ǵárezsizlik bayramı aldınan ulıwmaxalıqlıq qayırqomlıq shembiligin shólkemlestiriw jaqsı dástúrge aylanıp, usı jılı da 22-23-avgust kúnleri “Abat hám payızlı máhálle – elimiz kórki!” súreni astında ulıwmaxalıqlıq qayırqomlıq shembiligin ótkeriw názerde tutıldı.

Búgin tań azannan Qaraqalpaqstandaǵı suw xojalıǵı shólkemlerinde de usı ulıwma xalıqlıq qayırqomlıq shembiligi baslandı,-dep xabar bermekte Suw xojalıǵı ministrliginiń baspasóz xızmeti.
Ministrlik apparatı xızmetkerleri hám sistema shólkemleriniń jámáátleri hákimshilik imaratlardıń átirapların tazalap, tártipke keltirdi.
Itibarlı tárepi, shembilik sheńberinde rayonlarda ámelge asırılıp atırǵan jumıslardıń kólemi keńeymekte. Sonıń ishinde, kanallardı betonlaw jumıslarına kóbirek jumısshı kúshleri tartılıp, suwǵarıw tarmaqların tazalaw hám tereklerdi qayta islew jumısları jedel dawam etpekte.

Qaraqalpaqstan xabar agentligi