“Abat hám payızlı máhálle – elimiz kórki!” súreni astında ulıwma milliy qayırqomlıq shembiligi sheńberindegi ilajlar Qanlıkól rayonında da tań azannan baslandı.

Shembilik dawamında kósheler hám jámiyetlik orınlar tazalanıp, tereklerge sulıw kórinis berilip, jasıl aymaqlar tártipke keltirilmekte. Sonday-aq, turmıslıq shıǵındılar shıǵarılıp, irrigaciya sistemaları hám piyadalar jolları tazalanbaqta.
Bul ilajda rayonnıń barlıq mákeme hám shólkemleri belsene qatnaspaqta.
Bunday ilajlardı ótkeriwden maqset – rayonnıń sanitariyalıq jaǵdayın jaqsılaw, xalıqqa qolaylı ortalıq jaratıw hám jámiyetlik juwapkershilikti arttırıw, xalıqtıń, ásirese, jaslardıń ekologiyalıq mádeniyatın arttırıw, qorshaǵan ortalıqqa bolǵan dıqqat-itibarın kúsheytiw, ana tábiyattı keleshek áwladlar ushın qásterlep-saqlaw, ekologiyalıq jaǵdaydı jaqsılaw hám qorshaǵan ortalıqqa unamsız tásirlerdiń aldın alıw bolıp tabıladı.

Qaraqalpaqstan xabar agentligi