Islam birge islesiw shólkemine (IBSh) aǵza mámleketler sırtqı isler ministrleri usı jıldıń 25-avgust kúni Saudiya Arabstanınıń Jidda qalasında májilis ótkeredi. Bul haqqında “Anadolu” málimleme agentligi hám bir qansha basılımlar málim etpekte.

Ushırasıwda Izrail-Palestina kelispewshiligi, atap aytqanda, Gaza sektorındaǵı jaǵdaydıń dodalanıwı kútilmekte.
Sonday-aq, BMSh Bas Assambleyası hám Qáwipsizlik Keńesi rezolyuciyaların ámelge asırıwda IBShǵa aǵza mámleketlerdiń xalıqaralıq dárejede háreketlerin birlestiriw jolları kórip shıǵıladı.
Xabarda atap ótiliwinshe, ilaj aldınan joqarı mápdar shaxslardıń gezeksiz tayarlıq májilisi ekshembi kúni bolıp ótedi. Onda rezolyuciya hújjetlerin tayarlaw, sonday-aq, sırtqı isler ministrleri keńesiniń kún tártibi hám jumıs baǵdarlamasınıń joybarın qabıl etiw názerde tutılǵan.

Muharrama Pirmatova, ÓzA