Elimizde isbilermenlikti qollap-quwatlaw, jańa jumıs orınların jaratıw hám jergilikli óndiristi rawajlandırıw baǵdarında keń imkaniyatlar jaratılmaqta.

Bul imkaniyatlardan nátiyjeli paydalanıp atırǵan belsendilerden biri – Ellikqala rayonı Saxtiyon qalashasında jasaytuǵın O.Madrimov bolıp esaplanadı.
Rayon hákimligi Málimleme xızmeti bóliminiń maǵlıwmatına bola, ol 2021-jılı óziniń isbilermenlik jumısın baslap, qurılıs ushın zárúr bolǵan ónimlerdi islep shıǵarıwdı jolǵa qoydı. Jumısın baslawda hákim járdemshisiniń járdemi arqalı 75 million sum qarjı alıp, usı resurstı nátiyjeli baǵdarladı. Bul qarjı onıń biznesin jolǵa qoyıwda áhmiyetli tiykar boldı.
Házirgi waqıtta isbilermen tárepinen shólkemlestirilgen óndiris kárxanası arqalı 12 jas turaqlı jumıs penen támiyinlengen. Ol óziniń miyneti hám intakerligi arqalı tek ǵana jumıs orınların jaratıp qoymastan, al jergilikli xalıqtıń abadanlıǵına da úles qospaqta.
Elimizdegi isbilermenlikti xoshametlew siyasatı joqarı nátiyjeler berip, jańa imkaniyatlar menen perspektivalarǵa jol ashıp atırǵanı bul mısal arqalı jáne bir márte óz dálilin tappaqta.

Qaraqalpaqstan xabar agentligi