Aldın xabar berilgenindey, Prezidentimizdiń hám Ministrler Kabinetiniń tiyisli qararları tiykarında “Dawıt-ata” shegara bajıxana postın qayta qurıw hám modernizaciyalaw belgilengen edi.

Qurılıs jumıslarınıń óz waqtında hám sapalı orınlanıwın támiyinlew maqsetinde Qaraqalpaqstan Respublikası Bajıxana basqarması baslıǵınıń orınbasarı O.Maxmadalievtıń basshılıǵındaǵı jumısshı topar tárepinen post aymaǵında qurılıs jumıslarınıń barısı boyınsha kúnlik monitoring jumısları alıp barılmaqta.
Bajıxana postında ámelge asırılıp atırǵan qurılıs-modernizaciyalaw jumıslarına qaramastan sırtqı sawda júkleriniń úzliksiz háreketin támiyinlew maqsetinde postqa tutas aymaqta qurılǵan bajıxana terminalınıń imaratında júk avtotransport qurallarınıń bajıxana rásmiylestiriwi hám qadaǵalawı kúni-túni rejiminde dawam ettirilip atırǵanın atap ótiw kerek.
Ulıwma bahası 20 mlrd. sumdı quraytuǵın 2-basqısh qurılıs jumısların úyreniw dawamında juwapker shólkemlerdiń wákillerine posttaǵı qurılıs-montajlaw jumısların jedellestiriw, onı sapalı orınlaw hám ajıratılıp atırǵan qarjılardan aqılǵa uǵras paydalanıw boyınsha kórsetpeler berildi.
“Dawıt-ata” shegara bajıxana postın modernizaciyalaw hám rekonstrukciyalaw jumısları 2-basqıshta jedel dawam ettirilmekte.

Qaraqalpaqstan xabar agentligi