Tutınıwshılardı óz waqtında suyılttırılǵan gaz ballonları menen támiyinlew baǵdarında Shımbay rayonında da keń kólemli jumıslar alıp barılımaqta.

Rayon orayınan alısta jaylasqan Baxıtlı, Qamısarıq, Qızıl ózek, Mayjap, Pashentaw, Tazǵara, Qosterek, Taza jol, Keńes, Taǵjap hám Gújimli awıl puqaralar jıyınlarında, jámi 3329 xojalıq suyılttırılǵan gazge beyimlestirilgen.
Usı awıl puqaralar jıyınlarındaǵı suyılttırılǵan gazden paydalanıwshılar Shımbay rayonlıq gaz támiynatı bólimi tárepinen Shımbay gaz toltırıw shaqapshası arqalı suyılttırılǵan gaz ballonlar menen támiyinlenip kelinbekte.
Jıl basınan usı xojalıqlarǵa jámi 369,3 kg. suyılttırılǵan gaz fondı ajıratılıp, tutınıwshılardıń talabına bola 395,08 kg. suyıltırılǵan gaz ballon jetkerip berilgen. Tutınıwshılarǵa gaz ballonları 30-35 kún aralıǵında belgilengen reje grafik tiykarında jetkerip beriledi hám olar tolıǵı menen ID kartalar menen támiyinlengen.
Rayondaǵı Baxıtlı awıl puqaralar jıyını aymaǵında jaylasqan Aralbay awılına gezektegi gaz ballonlar tarqatıldı. Bul awılda jámi 42 xojalıq jaylasqan bolıp, olarǵa arnawlı avtotransport járdeminde gaz ballonlar jetkerip berildi.

Qaraqalpaqstan xabar agentligi