Qaraqalpaqstan Respublikası Bajıxana basqarması juwapkerleri isbilermenlik subektlerinde bolıp, bajıxana nızamshılıǵındaǵı jańalıq hám ózgerislerdi olardıń jumısında qollanıw arqalı unamlı nátiyjelerdi kórsetiwi boyınsha úgit-násiyat jumısların alıp barmaqta.

Ellikqala rayonı toqımashılıq sanaatında klaster túrinde jumıs alıp barıp atırǵan juwapkershiligi sheklengen jámiyeti búgingi kúnde tayar toqımashılıq ónimlerin islep shıǵarmaqta. Iyirilgen jipten gezleme islep shıǵarıw, onı boyaw, qayta islew hám tigiw nátiyjesinde alınatuǵın tayar ónimlerdiń Túrkiya, Ukraina, Qıtay, Rossiya mámleketlerine eksportı da jolǵa qoyılǵan.
Keyingi 3 jıl dawamında kárxana 4,5 mln. AQSh dolları bahasındaǵı 1587 tonna tayar toqımashılıq tovarların eksport etken.
Ushırasıwda juwapkerler tárepinen eksport geografiyasın arttırıw maqsetinde kárxana jumısında “Bajıxana aymaǵında qayta islew” bajıxana rejimi imkaniyatlarınan paydalanıw abzallıqları tolıq túsindirildi. Onda alıp kelingen boyaw hám soǵan uqsas shiyki zatlardı qayta islew nátiyjesinde alınǵan tovarlardıń eksportı ámelge asırılǵanda, alıp kelingen tovarlar bajıxana tólemlerinen azat etiliwi mısallarda kórip shıǵıldı.

Qaraqalpaqstan xabar agentligi