Aldın xabar berilgenindey, Ózbekstan Respublikası Prezidentiniń 2019-jıl 9-apreldegi PQ-4271-sanlı qararına tiykarlanıp, Aziya rawajlanıw bankiniń qatnasıwında «Ózbekstannıń batıs bóleginde ishimlik suwı támiyinatı sistemaların rawajlandırıw» joybarınıń ámelge asırılıwı belgilengen.

Bul ushın 8,2 mln. AQSh dolları muǵdarındaǵı qarjı ajıratılǵan bolıp, búgingi kúnde «Archico» JShJ (Ázerbayjan) kompaniyası tárepinen Moynaq rayonında ishimlik suwı támiyinatın jaqsılawǵa qaratılǵan qurılıs jumısları alıp barılmaqta.
Joybar sheńberinde 5 suw bólistiriw imaratı, 128,1 kilometrlik suw tarmaǵın qurıw hám rekonstrukciyalaw hám 4647 xojalıqqa elektron suw esaplaǵısh ornatıw názerde tutılǵan. Házirgi waqıtta 76,2 kilometrlik suw tarmaqları tartılıp, qurılıs jumısları dawam etpekte. Reje tolıq orınlanıwı nátiyjesinde rayonnıń ishimlik suwı menen támiyinlengenlik dárejesi artadı.

Qaraqalpaqstan xabar agentligi