Nókis rayonınadaǵı “Aqmanǵıt” posyolkalıq puqaralar jıyını aymaǵında jańa “Guliy gúlleri hám tort” atlı sawda hám xızmet kórsetiw ornınıń ashılıw máresimi bolıp ótti.

Ilajda rayon hákiminiń orınbasarı, Shańaraq hám hayal-qızlar bóliminiń baslıǵı S.Abatova, keń jámiyetshilik wákilleri hám belsendi puqaralar qatnastı. Máresimde shıǵıp sóylegenler tárepinen bul joybar rayonda birinshi márte gúl satıwǵa qánigelesken sawda ornı sıpatında jumıs baslap atırǵanı atap ótildi. Sonday-aq, bunday baslamalar jergilikli isbilermenlik ortalıǵın bunnan bılay da rawajlandırıwda áhmiyetli orın iyelep atırǵanı atap ótildi.
Jas isbilermen hám belsendi qızlardıń biri Gúlzar Abdisadikova usı joybar arqalı óziniń isbilermenlik jumısın ámelge asırıwdı basladı. Onıń sawda ornı tek ǵana gúller menen sheklenip qalmastan, hayal-qızlar ushın zamanagóy kiyim-kenshekler, mazalı tortlar hám basqa túrdegi ónimlerdiń satılıwın da názerde tutqan.

Qaraqalpaqstan xabar agentligi