Qaraqalpaqstan Respublikası Densawlıqtı saqlaw ministrligi tárepinen medicina tarawında xalıqaralıq birge islesiwlerdi jolǵa qoyıw hám sırt el tájiriybesin elimizge alıp kiriw boyınsha bir qatar unamlı ilajlar ámelge asırılmaqta.

Usınday ámeliy ilajlardı ele de dawam ettiriw maqsetinde Qaraqalpaqstan Respublikası Densawlıqtı saqlaw ministri M.Kurbanov usı jıldıń fevral ayında Hindstan mámleketindegi xızmet saparı dawamında “Sharda Hospital” klinikasınıń direktorı mırza Gopta menen densawlıqtı saqlaw tarawın rawajlandırıw maqsetinde óz-ara birge islesiw boyınsha Memorandumǵa qol qoyǵan edi.
Usı Memorandumǵa tiykarlanıp, Hindstan mámleketindegi “Sharda Hospital” klinikasınıń bir qatar tájiriybeli shıpakerleri elimizge jetip keldi.
Házirgi waqıtta sırt elden kelgen tájiriybeli nevropotolog shıpakerler Respublikalıq qıstawlı medicinalıq járdem ilimiy orayınıń Qaraqalpaqstan filialında, al onkolog shıpakerleri Respublikalıq qánigelestirilgen onkologiya hám radiologiya ilimiy-ámeliy medicina orayınıń Qaraqalpaqstan filialında puqaralardı medicinalıq tekseriwlerden ótkerip, másláhátler bermekte.

Qaraqalpaqstan xabar agentligi