AQSh hám RF prezidentleri Alyaskanıń Ankorij qalasındaǵı áskeriy bazada júzbe-júz sóylesiwge jaqın turıptı. Bul ushırasıw Rossiya hám Ukraina qarama-qarsılıǵın dodalawǵa baǵıshlanadı, biraq orın tańlaw ámeliy hám simvolikalıq mániske iye, dep jazadı “Euronews” basılımı.

Bizge belgili, Rossiya imperiyası 1867-jılı Alyaskanı AQShqa 7,2 million dollarǵa satqan. Bul qarar Qrım urısı (1853-1856) nátiyjesindegi úlken qarızlardı tólewge járdem beriw maqsetinde qabıl etilgen. Sol dáwirde Alyaska Kreml ushın ekonomikalıq jaqtan áhmiyetli aymaq esaplanbaǵan. 1949-jılı bolsa Alyaska Qurama Shtatlardıń 49-shtatı dep járiyalandı.
Putin Ankorijǵa kelgen birinshi rus jetekshisi boladı. Ankorij RF aymaǵına júdá jaqın – Alyaska materigi hám Rossiya arasındaǵı aralıq tek ǵana 90 km. Bering buǵazında bolsa kishi Diomede atawı (AQSh) hám úlken Diomede atawı (Rossiya) arasındaǵı aralıq 4 km den az.
Sociallıq tarmaqlarda Rossiya Alyaskanı qaytarıp alıwǵa tayarlıq kórip atırǵanı haqqında mısh-mıshlar tarqalǵan. Ayırım paydalanıwshılar 2022-jılı Rossiya Joqarǵı sudı 1867-jılǵı sawda kelisimin biykar etkenin aytpaqta, biraq hesh qanday rásmiy hújjet bul dawagerlikti tastıyıqlamaydı.

Musulmon Ziyo, ÓzA