Qıtaydıń Guychjou provinciyasında injenerler siyrek ushırasatuǵın joybar ústinde jumıs alıp barmaqta – bul jerde taw ekige bólinip, 625 metr biyiklikte jaylasqan Xuaczyan kópiri qurılmaqta. Bul haqqında The Independent xabar berdi.

Guychjou – 92%i taw hám jarlıqlardan ibarat aymaq bolıp, avtomobil háreketi ushın quramalı relefke iye. Injenerler uzaq tunnel qazıw ornına, pútkil taw shıńların kesip ótetuǵın úlken kópir qurıwǵa qarar etti.
Kópirdiń texnikalıq ózgeshelikleri:
Biyikligi: 625 metr (Eyfel minarasınan biyik)
Uzınlıǵı: 2890 metr.
Qurılısta paydalanılıp atırǵan polat muǵdarı: 49 mıń tonna
Basqarıw: GPS kranlar hám samal sensorları járdeminde.
Aldınları 70 minut dawam etken taw jolı, usı kópir arqalı tek ǵana 1 minutlıq qáwipsiz háreketleniw jolına aylanıwı rejelestirilmekte. Bul aymaq turǵınları ushın qalaǵa tez hám qolaylı jetip alıw imkaniyatın jaratadı.
Xuaczyan kópiri 2025-jıldıń aqırında paydalanıwǵa tapsırılıwı kútilmekte. Ol tek ǵana transport sistemasın ápiwayılastırıp qoymastan, al jańa turistlik orınǵa da aylanıwı rejelestirilgen. Joybar sheńberinde ekstremal sport túrleri hám juldız baqlaw orınları da shólkemlestiriledi.
Guychjou provinciyası búgingi kúnde “dúnyadaǵı eń biyik kópirler muzeyi” ataǵın alıwǵa miyasar bolǵan.

Madinabonu Nasrieva, Uluǵbek Twxtaev, ÓzA