Bul pikirdi Evropada qáwipsizlik hám birge islesiw shólkemi (EQBSh) joybarları koordinatorı Antti Karttunen VIII Oraylıq Aziya ekspertler forumında bildirdi.

– Kóp tárepleme birge islesiw máselelerin dodalaw ushın izbe-iz sistemalı ekspertlerdiń sóylesiw maydanları oǵada zárúr. Búgingi forum kooperaciyanı rawajlandırıw boyınsha ulıwmalıq kózqaraslar hám ámeliy qádemlerdi islep shıǵıwǵa xızmet etedi, – dedi diplomat.
EQBSh wákili Oraylıq Aziya mámleketleriniń joqarı dárejedegi konsolidaciyasına ayrıqsha baha berip, sońǵı waqıtlarda region ekonomikalıq krizis, klimat ózgeriwi, texnologiyalıq transformaciya sıyaqlı awır mashqalalar aldında sezilerli turaqlılıqtı kórsetkenin atap ótti.
Onıń sózlerine bola, bunday sharayatta ulıwma regionallıq mashqalalardı sheshiw ushın Oraylıq Aziyadaǵı barlıq mámleketlerdiń háreketlerin muwapıqlastırıw úlken áhmiyetke iye. – Regionnıń keleshegi búgin islengen tańlaw hám bul tańlawdıń uqsaslıq dárejesi menen beliglenedi, – dedi ol.
Usı jerde ekspert Oraylıq Aziya ushın hár tárepleme qáwipsizlik – áskeriy-siyasiy, ekonomikalıq-ekologiyalıq hám insan faktorın qamtıp alatuǵın koncepciyanı islep shıǵıw oǵada áhmiyetli ekenligin ayrıqsha atap ótti. Sonıń menen birge, Antti Karttunen mámleketlerdiń regionallıq kún tártibindegi barlıq máseleler boyınsha háreketleriniń uqsaslıǵı arxitekturanı bekkemlewde áhmiyetli rol atqaratuǵınına isenim bildirdi.

Ǵ.Xonnazarov, ÓzA