Qaraqalpaqstan Respublikası sudı jınayat isleri boyınsha sudlaw kollegiyasınıń baslıǵı A.Adilovtıń basshılıǵında Ishki isler ministrliginde seminar shólkemlestirildi. Oǵan jınayat isleri boyınsha qala hám rayon sudlarınıń baslıqları, tergew sudyaları hám tergewshiler qatnastı.

Seminarda tiykarǵı itibar hákimshilik huqıqbuzarlıq haqqındaǵı islerdi rásmiylestiriwde jol qoyılıp atırǵan qáte-kemshiliklerdi talqılaw, olardı saplastırıw hám keleshektegi wazıypalardı belgilewge qaratıldı.
Qaraqalpaqstan Respublikası sudınıń jınayat isleri boyınsha sudlaw kollegiyasınıń baslıǵı A.Adilov, hákimshilik huqıqbuzarlıq haqqındaǵı islerdi durıs hám anıq rásmiylestiriw tek ǵana puqaralardıń huqıqları menen máplerin támiyinlew emes, al ádil sudlawdı ámelge asırıwda da áhmiyetli orın iyeleytuǵının ayrıqsha atap ótti.
Álbette, bunday seminarlardıń ótkeriliwi ámeliyattaǵı mashqalalardı dodalaw hám nızam ústinligin támiyinlewde ayrıqsha áhmiyetke.
Seminarda tarawdaǵı ayırım máseleler boyınsha pikir-usınıslar bildirilip, qatasıwshılar ózlerin qızıqtırǵan sorawlarǵa juwap aldı.

Qaraqalpaqstan xabar agentligi