Ózbekstan Respublikası Ministrler Kabineti “Esiik hám aynalardıń qáwipsizligi haqqındaǵı texnikalıq reglamentti tastıyıqlaw haqqında” qarar qabıl etti.

Oǵan muwapıq, Esik hám aynalardıń qáwipsizligi haqqındaǵı texnikalıq reglament tastıyıqlandı.
Reglamentte:
esik hám aynalardıń qáwipsizlik talapları;
esik hám aynalardı milliy muwapıqlıq belgisi menen tamǵalaw;
texnikalıq reglament talaplarına ámel etiliwi boyınsha mámleketlik qadaǵalaw belgilep berilgen.
Usı qarar menen Texnikalıq reglamentti engiziw sxeması da tastıyıqlandı.
Reglament esik hám aynalarǵa jáne olardıń elementlerine baylanıslı Ózbekstan Respublikası aymaǵında qollanılıwı hám orınlanıwı májbúriy bolǵan birden-bir talap hám qaǵıydalardı belgileydi.
Texnikalıq reglament talapları tómendegi ónimlerge qollanılmaydı:
usı Texnikalıq reglament ámelge kirgizilgenge shekem islep shıǵarılǵan esik hám aynalar;
paydalanıwda bolgan esik hám aynalar;
milliy ónermentshilik ónimleri hám óz mútájlikleri ushın islengen esik hám aynalar.
Usı reglament talapları tómendegi túr hám klassifikaciyadaǵı esik hám aynalarǵa tiyisli:
a) esikler:
mólsherleniwine qarap (imaratqa kiriw esikleri, jámiyetlik, óndirislik hám qosimsha imarat hám qurılmalardıń bólmelerine kiriw ushın ishki kiriw esikleri, bólmeler arasındaǵı esikler, sanuzeller esikleri);
profil elementleriniń materialları boyınsha (plastikalıq, alyumin, taxta, polat esikler);
konstruktivlik orınlanıwına qaray (eki qabatlı, terbeliwshi, jıljıwshı, jıynalatuǵın esikler);
b) aynalar:
funkcional mólsherinen kelip shıǵıp (tiykarǵı, arnawlı, shawqımnan qorǵawshı, sındırıwǵa shıdamlı, qosımsha xanalar (baspaldaq keteksheleri, texnikalıq qabatlar, sharbaqlar, podvallar) ushın;
profil elementleriniń materialları boyınsha (plastik, alyumin, polat, kompozit);
konstrukciya túri boyınsha (bir qabatlı, jup qabatlı, ajıratılǵan, ajıratılǵan-jup).
Qararǵa bola Texnikalıq reglament talaplarına muwapıqlıǵı tastıyıqlanbaǵan esik hám aynalar Ózbekstan Respublikası aymaǵında realizaciyaǵa shıǵarılmaydı.
Reglament rásmiy járiyalanǵan kúnnen baslap altı ay ótkennen soń ámelge kiredi.

ÓzA