Ózbekstan Respublikası Sırtqı isler ministri Baxtiyor Saidov Franciyanıń Ayrıqsha hám tolıq huqıqlı elshisi Oreliya Bushez benen ushırasıw ótkerdi.

Bul haqqında Ózbekstan SIM basshısı óziniń telegram kanalında jazadı.
«Mámleketimizde óz jumısın juwmaqlap atırǵan Franciyanıń Ayrıqsha hám tolıq huqıqlı elshisi Oreliya Bushez xanımdı búgin SIMde qabılladıq.
Keyingi jıllarda Ózbekstan hám Franciyanıń eki tárepleme baylanısları teńsiz dinamikanı payda etti, mámleketlerimiz tariyxıy sheklerge eristi, mámleketlerimiz strategiyalıq sheriklerge aylandı.
Elshi xanımnıń baylanıslarımız shegaraların keńeytiwge qosqan turaqlı úlesin joqarı qádirleymiz hám jańa jumısında barlıq tabıslardı tileymiz» delinedi xabarda.

Qaraqalpaqstan xabar agentligi