Ózbekstan Respublikası Prezidentiniń “Ózbekstan Respublikası mámleketlik ǵárezsizliginiń 34 jıllıq bayramına tayarlıq kóriw hám onı ótkeriw haqqında” ǵı qararına muwapıq Ózbekstan “Adolat” SDP tárepinen de ǵárezsizlik bayramın qararda kórsetilgenindey “Watan ushın, millet ushın, xalıq ushın!” súreni astında keń túrde ótkeriw belgilengen.

Bayram sheńberinde partiyanıń Qaraqalpaqstan Respublikası Keńesi tárepinen Tórtkúl rayonındaǵı “Aq kepter” dem alıw orayında milletler aralıq doslıqtı bekkemlewge qaratılǵan “Bir watan – bir júrek!” súreni astında ilaj shólkemlestirildi.
Dem alıw orayındaǵı jaslar respublikamızda jasap atırǵan túrli millet wákilleriniń milliy ayaq oyınların atqarıp, ózleriniń qábiletleri menen sheberliklerin kórsetti.
Ilajǵa Ózbekstan “Adolat” social-demokratiyalıq partiyası Qaraqalpaqstan Respublikası Keńesiniń baslıǵı N.Qayıpbergenov hám Qaraqalpaqstan Respublikası Joqarǵı Keńesiniń deputatı O.Allabergenovalar qatnastı.
Sonday-aq, ilajda Tórtkúl rayonı “Bárkamal áwlad” balalar mektebiniń xızmetkerleri hám Mádeniyat bóliminiń dóretiwshileri ózleriniń dóretiwshilik kórgizbeleri menen qatnasıwshılar hám miymanlarǵa milliy qol miyneti buyımlarınan ibarat kórgizbelerin usındı.

Qaraqalpaqstan xabar agentligi